İctimaiyyətdə “David Seliverstov” kimi tanınan Abbasov Kazım ilə keçmiş deputat, hüquq müdafiəçisi Çingiz Qənizadə arasında qalmaqal səngimək bilmir. Tərəflər media vasitəsilə bir-birlərinə qarşı ağır ittihamlar səsləndirirlər.

"Real Azərbaycan” ın əldə etdiyi məlumata görə, David Seliverstov Çingiz Qənizadəni Azərbaycan Respublikası Cinayət Məcəlləsinin 147.1-ci maddəsi üzrə xüsusi ittiham qaydasında məhkəməyə verib.

Məlumata əsasən, iş artıq icraata götürülüb. İş üzrə hazırlıq iclası sentyabrın 23-də saat 09:00-da Binəqədi Rayon Məhkəməsində hakim Aytəkin İbrahimovanın sədrliyi ilə keçiriləcək.

Qeyd edək ki, tərəflər arasında yaranmış mübahisə ilə bağlı qarşılıqlı ittihamlar səsləndirilir.