Müdafiə Nazirliyinin keçmiş vəzifəlisinin məhkəməsində şahid nə dedi?

🏛 Bakı Ağır Cinayətlər Məhkəməsində Müdafiə Nazirliyinin Mənzil-İstismar Xidmətinin Salyan rayon Mənzil-İstismar Hissəsinin keçmiş bölmə rəisi Əvəz Rüstəmovun cinayət işi üzrə növbəti məhkəmə iclası keçirilib.

📌 Lent.az xəbər verir ki, proses şahid ifadəsi ilə davam edib.

👤 Şahid M.G. bildirib ki, Əvəz Rüstəmovu idarədən tanıyıb və onu düzgün insan kimi qəbul edib. O qeyd edib ki, anası xidməti mənzildə yaşayıb, lakin onun Əvəz Rüstəmova pul verdiyini görməyib.

📄 Xatırladaq ki, Əvəz Rüstəmov xidməti mənzillə təminat, kirayə müqavilələrinin rəsmiləşdirilməsi və digər məsələlər üzrə rüşvət almaqda ittiham olunur. Onun barəsində məhkəmənin qərarı ilə ev dustaqlığı qətimkan tədbiri seçilib.